«كابينەت «رۋحاني جاڭعىرۋ» مەن ەلباسىنىڭ قازاقستان حالقىنا ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋى اياسىندا اشىلدى. بالالار مەن مەكتەپ وقۋشىلارى سارايىندا زاماناۋي بالالار تەحنيكالىق پاركى اشىلۋى ءتيىس. سوندىقتان كابينەت تە وسى سارايدىڭ فيليالى بولادى» دەدى وسى كابينەتتىڭ اشىلۋ سالتاناتىنا قاتىسقان وبلىس اكىمىنىڭ ورىنباسارى مارات جۇندىباەۆ.
كابينەتتى تسيفرلىق جابدىقتارمەن جابدىقتاۋعا 8 ميلليون تەڭگە قارجى جۇمسالدى. وعان «اتىعاي گولد ماينينگ» جاۋاپكەرشىلىگى شەكتەۋلى سەرىكتەستىگى دەمەۋشىلىك جاسادى. كابينەتتە كومپيۋتەر, ينتەراكتيۆتىك تاقتا, 3D-پرينتەر, 3D-سكانەر سەكىلدى مۋلتيمەديالىق جانە روبوتوتەحنيكالىق قۇرالدار, «ەلەكترونيكا» باعىتىنداعى جابدىقتار, «اقىلدى ءۇيدى» جيناۋعا جانە ونىڭ باعدارلاماسىن جاساۋعا ارنالعان جيىنتىق, 3D-اۆتومودەلدەۋگە ارنالعان باعدارلامالار مەن كونسترۋكتورلار قويىلعان.
ۇستازدار تسيفرلىق تەحنولوگيالار بالالاردىڭ كومپيۋتەرلىك باعدارلامالاردى مەڭگەرۋىنە, اسىرەسە عىلىمي-زەرتتەۋ جانە ينجەنەرلىك-تەحنولوگيالىق جۇمىستارعا مەكتەپ وقۋشىلارىنىڭ نازارىن, ىنتاسىن اۋدارۋعا تاپتىرمايتىن مۇمكىندىك بەرەتىنىن ايتتى
2018 جىلدىڭ اياعىنا دەيىن مۇنداي كابينەت وبلىس اۋداندارى مەن قالالارىنىڭ بارلىعىندا اشىلادى.
ء نازيرا جارىمبەت
«ەگەمەن قازاقستان»
قوستاناي
